Hujjatlar → Xavfsizlik
Ma'lumot qayerda va qancha saqlanadi
Asosiy printsip: video do'konda qoladi, cloudga faqat hodisa va kerakli kadr boradi.
Do'konda (lokal)
| Nima | Qayerda | Muddat |
|---|---|---|
| Uzluksiz video | NVR diskida (bizga tegmaydi) | NVR sozlamasiga qarab |
| Hodisa videobuferi | Do'kon kompyuterida | 3 kun, hajm chegarasi bilan |
| Kamera parollari | Do'kon kompyuterida / cloudda shifrlangan | Xizmat davomida |
Cloudda
| Nima | Izoh | Muddat |
|---|---|---|
| Hodisalar (kirdi-chiqdi, navbat…) | Raqam va vaqt — video emas | Tarifga qarab, standart 30 kun |
| Hodisa kadrlari (rasm) | Faqat qoida ruxsat berganlari | 30 kun / hajm kvotasi |
| Qisqa video kliplar | Rasmdan qisqaroq: bitta klip 50 MB gacha, diskni aynan shular to‘ldiradi | 7 kun |
| Issiqlik xaritasi | Faqat sonlar to'ri, rasm emas | 90 kun |
| Davomat yuz kadrlari | Faqat yozma rozilikli pilotda | 14 kun, avto o'chadi |
| Yuz namunalari (embedding) | Shifrlangan, kalit bazadan alohida | Xodim chiqquncha yoki so'rovgacha |
Kim ko'radi
Do'kon ma'lumotini faqat o'sha do'kon paneli a'zolari (egasi qo'shganlar) ko'radi. Rasmlar hech qachon ochiq havola bilan berilmaydi — faqat tizimga kirgan foydalanuvchiga. Har so'rov shifrlangan aloqa (HTTPS) orqali.
Demografiya haqida
Jins/yosh statistikasi anonim: qurilma yuzni tanimaydi, yuz rasmi saqlanmaydi va yuborilmaydi, yuz namunasi (embedding) olinmaydi — faqat «ayol, ~30 yosh» ko'rinishidagi raqam hodisaga qo'shiladi. Mijozning ikkinchi tashrifi birinchisi bilan bog'lanmaydi.
Xodimlar sanoqqa kirmaydi
Xodim kuniga o'n martalab eshikdan o'tadi. Davomat (yuz tanish) yoqilgan do'konda tizim uni taniydi va uning o'tishlari mijoz sanog'idan, soatlik grafikdan va jins/yosh statistikasidan chiqarib tashlanadi. Hisobotda nechta o'tish chiqarilgani ham ko'rsatiladi.
Davomat yoqilmagan bo'lsa tizim xodimni mijozdan ajrata olmaydi — u holda kirish soni xodimlar hisobiga biroz yuqori chiqadi.
To'liq siyosat
Maxfiylik sahifasi · Davomat uchun rozilik shabloni · Do‘kon eshigiga kuzatuv eslatmasi.